Frétt Mbl 24.9. um tvo flóttamenn

Í blaðinu í dag eru tvær áhugaverðar fréttir um flóttamenn sem hafa hlotið landvist á Íslandi. 

Þar er um að ræða fréttir um Linu Ashouri frá Sýrlandi og Zahra Mesbak frá Afghanistan.

Þessar fréttir Morgunblaðsins lýsa viðhorfum þeirra tveggja og skýra fyrir okkur hvaða umskipti urðu í lífi þeirra og fjölskyldna þeirra eftir komuna til Íslands, sem er ánægjulegt að lesa um.  Morgunblaðið á skilið lof fyrir að birta þessi viðtöl við þær, sem raunar skýra mun á stöðu flóttamanna og hælisleitenda.

Þær komu hingað sem flóttamenn, sem Ísland hafði samþykkt að taka við.  Þær komu ekki sem hælisleitendur, en sumum virðist erfitt að skilja að munur sé á hælisleitendum og flóttamönnum.

Samkvæmt greinunum hafa þær báðar og börn þeirra spjarað sig vel hér og vilja vera hér áfram.

Þessar greinar ættu að geta dregið úr fordómum fólks á fólki af öðrum trúarbrögðumum.

Vona að Morgunblaðið haldi áfram á því að birta greinar sem þessar til að vekja fólk til umhugsunar um að það sé til gott fólk af öðrum trúarbrögðum en okkar.  

Launaþróun hjúkrunarfræðinga og lækna 2006 - 2014

Samkvæmt upplýsingum fjármálaráðuneytisins hafa hjúkrunarfræðingar fengið tvöfalt meiri launahækkanir en læknar á árunum 2006 - 2014.

Formaður félags hjúkrunarfræðinga dregur í efa upplýsingar ráðuneytisins þar sem þær endurspegli aðeins prósentur en ekki krónur því hjúkrunarfræðingar hafi fengið minni hækkanir í krónum talið en læknar.

Má líta svo á framangreint álit formanns félags hjúkrunarfræðinga að hann telji að almennir starfsmenn sem sinna þvottum og þrifum á spítölunum eigi að fá sömu krónutöluhækkun og hjúkrunafræðingar eða hvað?

Stéttabaráttan snýst í dag um samanburð launa en ekki lengur um það hvort fólk eigi til hnífs og skeiðar og geti framfleytt sér og sínum.

Allir virðast vilja halda einhverju hlutfalli og bili við aðra hópa sem þeir höfðu náð áður svo það er erfitt að leiðrétta hlut þeirra sem drógust aftur úr fyrir það að þeir voru ekki eins aggressivir og hinir sem fengu meira í sinn hlut smátt og smátt.

Nauðsynlegt er að upplýsingar sem þessar frá fjármálaráðuneytinu komi fram fyrr í viðræðum við aðila svo almenningur skilji betur hvað er að fást við.  Í yfirlitinu kemur einnig fram að BHM félagar hafa fengið meiri launahækkanir en þeir sem borið er saman við.

Opinberir starfsmenn telja sig hafa lakari kjör en sambærilegir starfsmenn á almennum vinnumarkaði.  Það er einfalt að jafna það með því að gera kjörin sambærileg með því að jafna lífeyriskjör, uppsagnarfrest, veikindalaunarétt og annað þess háttar við það sem gildir á almennum vinnumarkaði.  Áður en það er gert geta opinberir starfsmenn ekki bori sig saman við almenna markaðinn, en er viljinn fyrir hendi um að jafna réttinn?

Með von um frekari umfjöllun um þessi mál og leit að leiðum til lausnar.

Kær kveðja,

Jón H. Magnússon

 

 

 

 

 

 

 

 

  

Okeypis i Hvalfjarðargöng

Það væru an efa margir þakklatir Vilhjalmi Birgissyni formanni Verkalyðsfelags Akraness fyrir að stuðla að þvi að það væri okeypis að fara um Hvalfjarðargöngin i verkfalli felagsmanna hans.

Hins vegar snyr hann blaðinu við a heimasiðu felagsins, þvi þar telur hann oheimilt að veita gjaldfrjalsan aðgang að göngunum i verkfalli felagsmanna hans og þa þurfi felagsmenn hans og aðrir að aka um Hvalfjörð eins og i gamla daga i stað þess að fara fritt i gegn um göngin.

Vilhjalmur þekkir vel til aðstæðna þvi hann starfaði i nokkur ar i gjaldskylinu við að taka við greiðslu fra þeim sem fara um göngin.

Eru felagsmenn hans sammala skoðun hans um að i verkfallinu eigi þeir að fara um Hvalfjörð i stað þess komast fritt um göngin?     

Telur að loka þurfi göngunum

Deila framhaldsskólakennara

Mér finnst þetta ekki vera frétt heldur yfirlýsing formanns félags framhaldsskólakennara, þvi sá sem skrifar fréttina spyr einskis heldur birtir yfirlýsinguna án skýringa á efninu.  Þá sé æskilegt að almenningur fái skilning á því á mæltu máli um hvað deilan snúist.

Formaðurinn segir kjörin vera dragbít á skólastarfið i landinu.  Hvað á hún við með því?

Krafan er um að launakjörin verði sambærileg og hjá skyldum hópum hjá ríkinu sem eru með áþekka menntun.  Hvaða hópar eru það og hvers vegna eru hóparnir þá að semja hver fyrir sig í stað þess að koma allir saman og ákveða sín á milli hvernig launakjör þeirra skuli vera í stað þess að bítast um það eftir á?

Þá lýsir hún því yfir að ekki komi til greina að semja á svipuðum nótum og á almennum vinnumarkaði.  Þetta staðfestir reyndar það sem margir hafa talið að ríkisstarfsmenn telji að peningar vaxi á trjánum því þeir skynji ekki að það sé ekki hægt að deila meiri verðmætum en aflað sé.

Þeir virðist ekki hafa áhyggjur af afleiðingum verðbólgu, sem reyndar hittir félaga þeirra á sama hátt og á almennum vinnumarkaði, nema þeir skuldi ekki neitt varðandi fasteignakaup.

Mér finnst þetta vera óábyrg yfirlýsing og geri þá kröfu til formanna verkalýðsfélaga á almennum og opinberum markaði að þeir komi heiðarlega fram við félagsmenn sína um áhrif krafna þeirra um hækkun launa og líti til liðins tíma um lítinn árangur raunverulegra kjarabóta.

Snúum okkur að því sameiginlega að bæta kjör almennings en ekki standa í stríði um það hvaða félag náði mestri launahækkun í kjarasamningum, án þess að nokkur fótur væri fyrir hækkuninni.

Athugasemdir samningamanns á eftirlaunum. 

  

  

Komið að ögurstundu

Músavinafélagið

Hefur Músavinafélagið ekki lýst yfir stuðningi við Hraunavini?

Ellefu samtök styðja Hraunavini